En paralelo

Neste 2024 regresa o certame escolar dirixido á rapazada da comarca de Bergantiños. E, con esta, van 23 edicións de teatro radiofónico!

Os Cafés Con… son espazos de encontro entre compañías e espectadores, creados para achegar ao público o proceso creativo e a elaboración dos espectáculos arredor dun café.

Sempre que as circunstancias o permitan, as compañías que forman parte da programación participarán neste espazo de diálogo que se celebrarán no Pazo da Cultura antes do inicio de cada función de sala, complementando o festival e ofrecendo unha oportunidade única para interactuar coas compañías e coñecer mellor o seu traballo.

O público é o corazón do FIOT: cada ano participa, coa súa opinión, na programación das vindeiras edicións do festival.

O nomeamento honorífico como Xograr ou Xograresa do Festival Internacional Outono de Teatro recoñece unha persoa ou entidade que destaca pola súa traxectoria na promoción e desenvolvemento do teatro en Galicia.

Proxecto fotográfico sobre o FIOT que se realiza desde hai 9 anos, no que distintos fotógrafos realizan unha sesión fotográfica cunha compañía, para captar a actividade que permanece oculta ao público (montaxe, ensaios, maquillaxe, vestiario…). Con este traballo realizarase unha exposición que formará parte do programa da seguinte edición.