Tres vellas na romaría

As tres vellas lían á cabeza os seus máis fermosos panos rameados, para saír a bailar as muiñeiras e xotas nas eiras das festas. Os días gloriosos de romarías e festas, os bailes, os milagres, as devocións, os exorcismos as empanadas e os melindres, o viño novo e a caña brava… parece un mundo esquecido, mais elas regresan para contalo coa mesma frescura que se fose onte.

Tres dos mellores narradores, ben coñecidos na Rúa dos Contos, regresan para falar das súas musas, as súas vellas e, como nunha sesión de espiritismo, resucitan as súas palabras e a súa memoria.

Interpretación, autoría e dirección: Quico Cadaval, Celso Sanmartín e José Luis Gutiérrez “Guti”.