Encerrona

Está atrapado nun escenario. Dixéronlle que ese era o camiño. O terror ás miradas do público lévao a buscar unha saída. Pero alguén invisible impídelle escapar, e vese obrigado a actuar. Só ante o perigo, coa única compañía dunha serie de obxectos cotiáns cos que intenta saír do paso e que se converten en absolutamente misteriosos.

O xogo do pallaso é a nosa vida. Estamos obrigados a existir e a actuar. Non sabemos onde nos metemos e debemos seguir adiante.

Viyuela é actor, director e un gran mestre do humor xestual. Tanto desde as táboas como desde a pantalla, é un dos artistas cómicos máis coñecidos de España. Esta obra é un  clásico, que se leva representando con grande éxito 30 anos.

Interpretación: Pepe Viyuela
Dirección: Elena González