El traje

É o primeiro día de rebaixas nuns grandes almacéns. A xente entrou en tropel e houbo un accidente. Nas entrañas do edificio, un vixiante de seguridade interroga a un home de negocios que ten algo que ver cos feitos.

Dous grandes actores, Luis Bermejo e o galego e multipremiado Javier Gutiérrez, manteñen un pulso cheo de tensión, suspense e humor delirante sobre como a voracidade do sistema nos converte en depredadores.

A corrupción política e a corrupción da alma son ingredientes desta comedia negra que se enfunda nun traxe para falar dos anhelos e as miserias humanas, unhas conxénitas e outras implantadas ou herdadas, levándonos por un túnel do terror e da risa.

Intérpretes: Javier Gutiérrez e Luis Bermejo
Escenografía e vestiario: Mónica Boromello
Iluminación: Eduardo Vizuete
Espazo sonoro: Juan Ochoa
Autoría e dirección: Juan Cavestany