Respira

O público asistente participará nunha sesión holística onde favorecer o encontro cun mesmo, re-conectar coa propia paz interior, recuperar o equilibrio, aliñar as chakras, curar as túas feridas da infancia, pechar patróns familiares, re-conectar co teu nen@ interior, vivenciar vidas pasadas, constelar aos teus antepasados, ser a túa propia guía e a túa propia luz, alcanzar a túa versión máis elevada, abrir a conexión ao micro/macro cosmos, e se queda tempo, saborear un yogui tea.

Desde o clown e o humor preséntase esta proposta cómica. Unha pequena parodia ás dificultades de baixar o noso ritmo de vida actual da man desta compañía galega de clown e circo.

Creación e interpretación: Inda Pereda e Marta Iglesias