Piensa en Wilbur

Acrobacias imposibles, humor e risco, moito risco son os principais ingredientes desta peza de Wilbur que aterrará por primeira vez en Galicia. O espectáculo impactará (literalmente) no público, creando situacións imposibles que nos deixarán pasmados.

Xunto aos seus inseparables amigos Contractura, Tirón e Desgarro e grazas a unha técnica e un físico fóra do común, este ex-ximnasta será quen de amosar que a acrobacia é máis que un deporte.

Tras 16 anos como ximnasta de alta competición, Víctor Ortiz abandonou a súa carreira deportiva e descubriu a súa paixón polo humor e o clown, como acróbata no Circo do Sol. Comezaría despois unha exitosa carreira coa súa compañía que o levou por diferentes países e a actuar en películas de Santiago Segura ou Álex de la Iglesia ou programas de televisión como o Grand Prix. É un fenómeno viral nas redes sociais cunha enorme comunidade dixital.

Interpretación e guión: Víctor Ortiz (Wilbur)