O inmortal

Acadar a inmortalidade é unha gran teima do ser humano. Pero, e se te ergues un día e descobres que posúes tal condición? Que vantaxes e inconvenientes ten vivir para sempre? Como é o día a día dun inmortal?…

Para coñecer as respostas a estas preguntas, e a outras moitas que se che poidan ocorrer, tes que escoitar a Josentonio, un home con séculos de experiencia que aterrará nas Noites de Rúa Chea da man de Víctor Fábregas.

Este popular humorista saltou á fama co dúo Os Tonechos, ata converterse nun fenómeno televisivo da TVG. Tras unha dilatada traxectoria profesional como actor cómico en series, películas e programas de televisión, na actualidade segue facendo gala do seu humor en espazos como Luar e Land Rober.