Hamelin

Ratos! Ratos! Ratos! Hamelín está cheo de ratos! E se o conto non foi como nolo contaron? Todos os nenos e nenas seguiron o frautista? Unha nena non sucumbiu ante a música e logrou salvar os rapaces. E sabedes que facía tan especial a esta nena?

Narración oral, maxia, humor e unhas faíscas de lingua de signos. Unha revisión da popular lenda para pór en valor a diversidade e a integración que demostra que, ás veces, abonda con mirar o mundo doutro xeito para cambialo.

Esta actuación, adaptada para o FIOT, é un convite especial do festival aos usuarios dos centros de maiores de Carballo e da asociación AFABER.