Día
Durante o festival
Dispoñible todas as fins de semana a calquera hora (visitas individuais, non acompañadas pola organización). A través da app gratuíta Carballo a un paso.

Espazo
Inicio no Fórum Carballo

Entrada
Gratuíta

Duración
60 minutos
Visitas individuais, non acompañadas pola organización.

Idade
A partir de 13 anos

Sobre o espectáculo

Cando a lúa é unha válvula de spray, a noite pode debuxar as escenas máis inesperadas. As accións da madrugada sucédense entón na stop motion dos murais urbanos… e nada ten volta atrás. Nese carrusel vense envoltos Sara, María e Leo mentres celebran un rito durante o San Xoán.

Esta é a primeira produción do proxecto FIOT Fónico, estreada en outubro de 2020, que volvemos poñer a disposición dos espectadores para que sigan a gozar deste espectáculo itinerante no que oito murais de Carballo son os escenarios dun podcast que se escoita desde o móbil.

O FIOT explora novas linguaxes teatrais, procurando introducir á cidade no teatro a través das novas tecnoloxías, creando unha experiencia teatral singular.

A dramaturxia vén da man da poetisa carballesa Rosalía Fernández Rial, un dos grandes valores da poesía galega actual, coa dirección de Quico Cadaval.

Ficha

Autora: Rosalía Fernández Rial
Dirección teatral:
Quico Cadaval
Espazo sonoro:
Marcos PTT Carballido
Intérpretes:
Melania Cruz, Santi Romay, Maria Roja. Coas voces de Marcos PTT Carballido e Rosalía Fernández Rial