Queres formar parte activa do FIOT e influír na programación das vindeiras edicións? Agora tes a oportunidade de facelo! A túa opinión conta, e moito, para nós. Por iso, invitámoste a expresar o que pensas sobre os espectáculos que desfrutas durante o festival.
Despois de cada función, poderás puntuar a obra que acabas de ver, valorando diferentes aspectos como a interpretación, a dirección, o guión, ou o impacto emocional que che produciu. Estas puntuacións son fundamentais para nós, xa que non só nos axudan a mellorar, senón que tamén permiten que o público, como ti, participe na creación do FIOT do futuro.
A obra que reciba a mellor puntuación do público será convidado a formar parte dunha futura edición do FIOT cun novo espectáculo.
É a túa oportunidade de ver de novo, e quizais de maneira diferente, as compañías que máis te impactaron.
O gañador do FIOT 2024 foi Casting Lear, de Andrea Jiménez, Barco Pirata e Teatro de la Abadía, cunha puntuación de 4,85 puntos sobre 5. Nesta edición regresa Andrea Jiménez cunha coprodución co Centro Dramático Nacional e Cassadra Projectes Artístics e teremos a oportunidade
de entregarlle este premio o venres 31 de outubro. Tamén volve ao FIOT a compañía Pont Flotant a que lle entregaremos o Premio
do Público 2022 o venres 10 de outubro.
Non deixes pasar a oportunidade de ser parte deste proceso creativo e de facer do FIOT un festival aínda máis próximo aos seus espectadores. Comparte a túa opinión e axúdanos a seguir traendo o mellor teatro a Carballo.
