Dentro das novidades desta 32ª edición, cabe destacar tamén o acordo do FIOT coa corporación RTVE, que este 2023 convértese no medio oficial do festival. Esta colaboración entre o FIOT e RTVE supón a gravación e emisión -con público en directo- de programas de referencia do eido cultural desde Carballo, con contidos especiais sobre o FIOT: ‘La Sala’, de RNE; ‘Culturas 2’, de La 2; e ‘No es un día cualquiera’ darán boa conta do que acontece na cita escénica carballesa.
Asiste como público ás gravación de programas de RNE no Pazo na Cultura
Queres coñecer de primera man como se grava un programa de radio en directo? Neste #FIOT32 poderás ser espectador de dous dos espazos culturais máis queridos das nosas ondas. Apunta estas datas na túa axenda e goza con conversas, entrevistas e colaboracións de luxo!
No es un día cualquiera, con Pepa Fernández
Sábado 7 e domingo 8 de outubro, de 8:30 a 13:30h.
RNE La Sala, con Daniel Galindo
Sábado 14 de outubro, de 11:00 a 13:00h
Actividades abertas ao público, de libre acceso ata completar a capacidade, no Salón de Actos do Pazo da Cultura de Carballo.
