Pausa

Unha pallasa e moitas maletas. Unha viaxe imprevista que nos leva a un lugar onde esperar deixa de ser aburrido para converterse nun momento de xogo e imaxinación sen límites. Sen palabras, niMú, crea situacións absurdas, improvisadas, cun ambiente poético grazas ao compañamento en vivo dun violonchelista.

Equilibrios, clown, danza, e xogo co público é a proposta da compañía de Xandra Gutiérrez que chega ao FIOT da man de Camiño Escena Norte, un proxecto liderado por Escena Galega xunto con outras asociacións de artes escénicas da ruta histórica dos Camiños de Santiago, co que o FIOT colabora desde o seu inicio.