Enredada

Taberneira de nacemento e sociosanitaria de formación. Ela é Leti da Taberna, unha cómica dos pés á cabeza que este ano debuta na Rúa dos Contos co seu primeiro monólogo, Enredada,   e arrincarnos moitas risas (e algunha reflexión) sobre esa relación tóxica que temos coas redes sociais e como dominan as nosas vidas.

Desde o  2020, Leticia Miraz é creadora de contidos dixitais para Tiktok. A raíz do “encerro” que vivimos na pandemia, decidiu converter esta plataforma nunha “taberna virtual” e, tirando de retranca, facer crítica social e desmitificar en galego e con perspectiva feminista. Agora, con máis de 47 mil seguidores, compaxina o mundo dixital co analóxico en programas da TVG. como opinadora no programa de televisión “Malicia Noticias” e monologuista no “Luar”. Ademais, no último Carballo Interplay  foi nomeada unha das “Masters da Internet Galega”.