DeseXo

Estamos preparados para ter unha sexualidade sa? Onde aprendemos o que sabemos sobre sexo? Na pornografía? Nas redes sociais? Vivimos na sociedade do desexo, a máis sexualizada da historia, pero na que todas estas cuestións seguen a ser tabú.

A través de situacións cotiás, expóñense as presións, os estereotipos e as frustracións que xorden da falta dunha formación sexual adecuada.

Utilizando o humor, en DeseXo convídase a reflexionar sobre a educación sexual na sociedade, cuestionando como a pornografía e as redes sociais están a ocupar o espazo que debería corresponder ao fogar e aos centros educativos.

Este espectáculo xorde dun proceso de investigación da compañía ceense Talía en colaboración coa sexóloga Barbara Penas.

Ao remate da función haberá un encontro coa compañía.

Intérpretes: Marta Ríos e Dani Trillo
Vestiario e maquillaxe: Martina Cambeiro
Iluminación: Dani Trillo
Escenografía: Víctor Núñez
Autoría e dirección: Diego Rey