A casa do avó

A tenda de segunda man Buy & Sell organiza as súas xornadas anuais de poxas. Xoán pon á venda trebellos da casa do seu avó, recentemente falecido. Os obxectos atopan —ou non— un novo dono, e nós descubriremos a historia dunha familia rota por unha herdanza e a dun home que trata de comprender o acontecido mentres carga co peso das lembranzas.

Que vivencias gardan os obxectos aos que damos unha segunda vida?  A peza creada por Jimmy Núñez convídanos a reflexionar sobre a nosa relación co consumo.