Libres!!!

Mujeres Libres foi unha organización anarcosindicalista que fixo tremer os cimentos da sociedade en tempos da Guerra española do 36, defendendo a emancipación feminina, o antifascismo e a revolución social.

Neste tempo saturado de narrativas de colapso e distopía, a galega Esther Carrodeguas reivindica a potencia da utopía alegre a través dun cabaret anarcosicalíptico, cheo de humor corrosivo, música e cancións,  traendo ao presente a esas mulleres ousadas e rebeldes que, en pleno caos bélico e patriarcal,  desafiaron as normas e comprometéronse coa liberdade e a igualdade, desde a alegría.

Alba Flores encabeza o reparto desta vitalista proposta dirixida polo prestixioso Andrés Lima que racha co colapso da imaxinación política no que nos atopamos.