ICTUS (anatomía de “A derradeira leición” de Castelao)

Esta é unha obra accesible e inclusiva, que integra a lingua de signos e a audiodescrición en directo desde o escenario e conta coa participación en escena dun actor xordo. Durante o proceso de creación contouse coa participación e asesoramento de persoas xordas, cegas e con dano cerebral.

As medidas de accesibilidade que achega a compañía son:

• Lingua de signos integrada (LSE): todos os contidos da obra son signados en escena por actrices e actores.
• Audiodescrición para persoas con discapacidade visual: unha voz narradora fai en directo e desde o escenario toda a audiodescrición, que se integra na propia narrativa da obra. Todas as voces e sons están amplificados con micrófonos de voz e de ambiente. Por tanto, non é necesario o uso de auriculares e petacas. Esta audiodescrición narrativa tamén axuda a seguir a obra a persoas con problemas de salud mental, TEA, discapacidade cognitiva e dano cerebral.
• Recoñecemento táctil previo á función: a compañía ofrece a posibilidade de organizar unha visita táctil para persoas con discapacidade visual, guiada polo elenco, unha hora antes do inicio da función e antes da entrada do público. A visita táctil pode solicitarse en fiot.carballo@gmail.com.
• Programa de man en Braille: ofrecemos varios exemplares con información en braille para uso durante a función, que deberán ser devoltos ao rematar.
• Cadro táctil: a compañía dispón dunha reprodución táctil do cadro que serve de fío condutor da obra para uso das personas cegas que o queiran recoñecer antes da función. Ademais, ofrécese unha audioguía de apoio.
• Programa da obra de Lectura Fácil. Facilítase código QR para descargalo.
• Nota audiodescritiva previa: con información de contexto, a través dun código QR.
• Todas as voces e sons están amplificados con micrófonos de voz e de ambiente, para mellorar a escoita de persoas maiores ou persoas con perdas auditivas.