14.4

A só 14,4 quilómetros de distancia existen dous mundos que parecen inalcanzables entre si. Ahmed, un neno que foxe do maltrato familiar en Tánxer, sobrevive nas rúas soñando con chegar a España, ese paraíso imaxinado que promete unha vida mellor. Pero ao outro lado da fronteira comeza unha nova odisea, afastada do soñado pero chea de humor, aventuras, solidariedade e loitas inesperadas.

Non é un conto. O protagonista interprétase a si mesmo nunha actuación desbordante de autenticidade e magnetismo que destila humanidade e pola que foi recoñecido nos Premios Max como finalista a mellor actor.

Peris-Mencheta coñeceu a Ahmed hai 15 anos e prometeulle que o subiría a un escenario para compartir a súa historia co público. En colaboración con outro referente do teatro actual como Juan Diego Botto, constrúen agora un relato de migración, soños e supervivencia, cunha linguaxe sobria e realista pero á vez lírica e poética que nos encollerá o corazón.

IMPORTANTE! Utilízanse aparatos de luz estroboscópica que poden afectar a persoas con problemas de epilepsia.