Los amigos de ellos dos

Dúas parellas amigas encóntranse para cear todos os xoves desde hai máis de doce anos. Unha xa chegou ao restaurante, pero os seus amigos non. Os minutos pasan e a misteriosa demora dos amigos comeza a preocupalos. Por que chegan sempre tarde? Que rol ocupamos na vida deles dous?

Esta comedia dramática reflexiona sobre como as persoas se senten valoradas polos seus achegados, as inseguridades e percepcións que os rodean, e papel que cada un ocupa nesta sociedade.

Daniel Veronese ten unha das traxectorias máis relevantes do novo teatro arxentino, con máis de 25 premios, entre eles o Premio Nacional de Dramaturxia de Arxentina ou o Max Iberoamericano. Nesta obra dirixe a dous recoñecidos intérpretes e tamén multipremiados, Malena Alterio (último Goya á interpretación feminina) e David Lorente, que nos conducirán entre a risa e a reflexión para explorar os vínculos humanos e as súas complexidades.

Intérpretación: Malena Alterio e David Lorente
Iluminación: Pedro Yagüe
Deseño escenografía: Elisa Sanz
Vestiario: TallerEs
Autoría: Matías del Federico e Daniel Veronese
Dirección: Daniel Veronese