Sobre a actividade

Desde hai 20 anos as voces máis novas de Bergantiños levan o teatro aos fogares de todos os recunchos da comarca a través das ondas radiofónicas. Este ano, por mor da COVID-19, o concurso celebrarase co envío de vídeos e os catro grupos finalistas gravarán a súa lectura dramatizada en estudios profesionais de radio.

Co apoio dos centros escolares da comarca de Bergantiños, esta iniciativa do festival ten como finalidade promover o teatro entre os máis novos. Nesta edición do XX Concurso Escolar de Teatro Lido “Xosé Manuel Eirís” contamos con participantes de Primaria e Secundaria de Carballo, Coristanco, A Laracha, Cabana e Laxe.

Podes ver os vídeos participantes nesta lista de reprodución da nosa canle de Youtube.

A entrega de premios do XX Concurso Escola de Teatro Lido Xosé Manuel Eirís terá lugar o domingo 14 de novembro de 2021 no Pazo da Cultura de Carballo, nunha xornada na que Fran Rei actuará como mestre de cerimonias.