Día
Luns 31 de outubro 2022
Hora
21.00 h
Espazo
Auditorio do Pazo da Cultura
Entrada
15 €
Duración
100 minutos
Idade
A partir de 16 anos
Sobre o espectáculo
Xogadores, adestradores, xornalistas, directivos, árbitros, seareiros e demais personaxes do espectáculo futbolístico saltan ao escenario coas súas historias máis escuras para recrear un dos tantos partidos de fútbol do século.
Comedia, música e crítica son os ingredientes principais deste espectáculo xornalístico-documental que parte da investigación de Nacho Carretero sobre o deporte de masas: o que se ve no campo, pero tamén o que permanece oculto fóra da nosa visión.
O exitoso equipo da versión teatral de Fariña que presentamos no FIOT 2019 volve a iniciar a súa xira pechando o noso festival, para, seguro, repetir o mesmo éxito que colleitou por toda España.
Ainé alíase co Centro Dramático Galego para crear un espectáculo de gran formato nun modelo de coprodución inédito.
”O que se ve no campo e os arredores, o que permanece oculto fóra da nosa visión, nos vestiarios, nos palcos e nas cabezas dos seus protagonistas.
Ficha
Intérpretes: Xosé A. Touriñán, Sergio Zearreta, Manuel Cortés, Isabel Garrido, Christian Escuredo e Xoán Fórneas
Vestiario: Laura Baena
Espazo sonoro: Vadim Yukhnevich
Deseño de iluminación e audiovisuais: Laura Iturralde
Espazo escénico: José Faro “Coti”
Dramaturxia: José L. Prieto, sobre textos de Nacho Carretero
Dirección: Tito Asorey
