Día
Venres 29 outubro 2021

Hora
21.00 h

Espazo
Pazo da Cultura

Entrada
10 €

Duración
75 minutos

Idade
Adulto

Sobre o espectáculo

Eles teñen unha ferraxería, quérense, son felices e non se fan moitas preguntas. Son, Esteban e Marigel, e punto. Pero un día, o teatro chega á vila e Esteban, fascinado pola experiencia, deixa de ser Esteban. Xa non pode volver a ser o mesmo. Algo mudou nel. A música posúeo, literalmente, convertendo a súa vida enteira nun grotesco musical, incomprensible aos ollos do pobo no que vive. E, ao cantar… comeza a dicir a verdade.

Esta comedia musical, con pinceladas de humor, intriga e misterio propón un duelo, sen vencedores, entre o que queremos e o que debemos facer. Cada elección ten o seu prezo.

As tenras e esperpénticas personaxes creadas polo director e dramaturgo José Troncoso, dan remate a esta edición do FIOT poñendo en valor o poder transformador do teatro e, en cuestión, se é posible un mundo sen arte, sen comedia, sen risa.

As nominacións como finalista nos Premios Max 2021 á Mellor Composición Musical (obra de Mariano Marín, un dos referentes da música do teatro en España), de Mellor Espectáculo Musical, e Mellor Labor de Produción avalan o interese deste espectáculo.

”O responsable desta montaxe é José Troncoso: actor, director e dramaturgo que mostrou ser unha voz singularísima que se debe seguir moi de preto.

Julio BravoABC

”A obra constitúe un fermoso canto á imaxinación (…). Jorge Usón e Carmen Barrantes están soberbios nuns personaxes que non poden ser concibidos máis á medida; exsudan de principio a fin toda a graza e a tenrura que a obra esixe, e protagonizan, ás veces facendo na linguaxe física unha homenaxe ao histrión e á comedia de cinema mudo, algunhas escenas impagables. (…) No plano musical, non pode un senón renderse aos pés do inconmensurable Mariano Marín, que creou unha partitura –esencial para esta función- tan variada en estilos e tons como sobresaliente en cada un dos rexistros.

Raúl LosánezLa Razón

”Unha extraordinaria montaxe escrita e dirixido por José Troncoo. Un divertido, tenro e hilarante melodrama musical levantado sobre dous sólidas pero dúctiles e humanísimas columnas, as construídas man a man por Jorge Usón e Carmen Barrantes, dous intérpretes que se meten ao público no peto de principio a fin desta divertida, próxima, tenra e anárquica proposta que cabalga a lombos da inspiradísima música de Mariano Marín interpretada en directo polo pianista Néstor Ballesteros.

José Miguel VilaDiario Crítico
Play Video
Ficha

Dramaturxia e dirección: José Troncoso
Intérpretes: Carmen Barrantes e Jorge Usón
Pianista: Néstor Ballesteros
Composición e dirección musical: Mariano Marín
Audante de dirección: Belén Ponce de León
Iluminación: David Picazo
Escenografía e vestiario: Juan Sebastián Domínguez
Maquillae de escena: Ana Bruned
Fotografía de escena: Javier Naval
Dirección técnica: Iñigo Benítez (ARMAR)
Deseño de cartel: Iñaki Villuendas
Fotografía de cartel: Jorge Fuembuena
Maquillae de cartel: Chema Noci
Teaser: Javier Macipe
Audante de produción: Claudia Andrés
Dirección de produción: Amelia Hernández
Comunicación: Toniflix Comunicación
Distribución: Emilia Yagüe Producciones

Dossier pdf