Historias para derreter cera

Unha xograresa chega co seu pandeiro coma unha ilusionista de verbas e cántigas, para contar historias de lumes pequenos e grandes, de fragas e paxaros, de serpes e mulleres nunha fermosa alegación sobre o coidado do medio ambiente, o respecto pola natureza e a convivencia.

A actriz e narradora ourensá Alba Grande visita a Rúa dos Contos co seu primeiro espectáculo de narración oral, que inclúe música, cancións e monicreques creados con obxectos. Unha fermosa proposta, recomendable para todos os públicos, que agocha en tres magníficos contos unha mensaxe de responsabilidade social que cómpre ter en conta. Non o perdades!

Creación e interpretación: Alba Grande