O océano de dentro

Como dar a volta ao mundo e viaxar por Terranova, Madagascar, Gran Sol ou a Antártida sen saír dunha tasca? Todas as ribeiras galegas están cheas de contos do mar. Agora o Atlántico avanza, dende Razo cara a Carballo, disposto a activar con cantos e palabras ese tsunami que todos levamos dentro.

A palabra de Xurxo Souto, que leva máis de 20 anos paseando entre micrófonos da radio e palcos da música, chega á Rúa dos Contos cunha estrea absoluta que nos ofrecerá unha “cosmovisión” alternativa,  ateigada de aventura e bo humor.