Día
Mércores 9 de outubro

Hora
De 16.30 a 19.30 h

Espazo
Pazo da Cultura |
Salón de actos

Entrada
Gratuíta previa inscrición

Inscrición
20 prazas (a través dun correo electrónico indicando nome, apelidos, teléfono, correo de contacto/profesión e/ou interese nesta proposta a coordinacion@escenanorte.com, asunto “Inscrición xornada 9 de outubro”)

Prazo
7 de outubro, até as 14.00 h.

Sobre a actividade

Durante a xornada “Artes escénicas e Interculturalidade” celebrarase unha dinámica experimental de creación colectiva entre profesionais da dramaturxia e alumnos, que propón o reto de xerar e mostrar nunha sesión varios proxectos escénicos arredor da temática ‘Encontro entre culturas diferentes’. Estará coordinada por Santiago Cortegoso.

Cal é a dinámica?
Consiste en traballar en equipo, de xeito práctico e participativo, sobre propostas de creación ao redor do tema que lle dá sentido ao proxecto Camiño Escena Norte: o encontro entre culturas diferentes. Os e as profesionais convidados xerarán cadanseu bosquexo de proxecto dramatúrxico en pouco tempo, desde a liberdade creativa e formal e co seu estilo persoal. Logo, expoñerano de xeito rápido.

Elixiranse mediante votación catro deles, a partir dos cales se formarán catro grupos de traballo para levalos a cabo durante a tarde da xornada.

Finalmente, realizarase unha breve presentación (que non debe exceder os cinco minutos), que pode ser unha lectura dramatizada, unha pequena escena interpretada polos participantes, etc.

Obxectivos

  • Afondar na relación entre diferentes culturas.
  • Favorecer o coñecemento e o intercambio creativo entre dramaturgos das catro Comunidades, dun xeito lúdico e ameno.
  • Crear un espazo idóneo para compartir sensibilidades creativas diversas.
  • Compartir as dinámicas de traballo de creadores profesionais.
  • Experimentar novas formas de creación colectiva que serían imposibles de realizar en condicións de produción real.

Programación completa en www.escenanorte.com.