Ti es o protagonista do OTNI 2017. Nos límites do escénico, as propostas que presentamos precisan de ti, máis alá da túa presenza. Só cobran sentido se o público forma parte delas, xa que se constrúen con el, contigo.

Convidámosvos a explorar outras opcións máis alá de mirar. Non só é nosa a construción do significado, a interpretación dunha obra, será necesaria a nosa interacción, a participación. Teremos o noso lugar no espectáculo, compartiremos os espazos cos intérpretes e contaxiarémonos da súa emoción.

E así, asistir ao teatro converterase nun evento, nunha experiencia, nunha celebración. Pero, non nos asustemos. Formaremos parte da obra mais nós escollemos que tipo de papel queremos e só desempeñarán un papel activo aqueles que o desexen.

Nesta nova viaxe do ciclo que no FIOT identifica os proxectos máis contemporáneos e experimentais, as compañías que nos acompañan fan do espectador o motor da creación e poñen a experiencia no centro da creación escénica, pero con proxectos moi diversos. El Pont Flotant anima a un grupo de espectadores a achegaren as súas vivencias para explorar a educación e os vínculos interxeracionais e crear unha obra á que todos podemos asistir. Compartiremos unha cea estraña e especial, La última cena, ou convidarannos a unha voda da realeza e construiremos, entre todos, o mundo de Hamlet.

Sé o noso cómplice!

otni
Out
01
Out
07